शनिवार, ९ डिसेंबर, २००६

औदुंबर - बालकवी

ऎल तटावर पैल तटावर हिरवाळी घेऊन
निळासांवळा झरा वाहतो बेटाबेटातुन.

चार घरांचे गांव चिमुकले पैल टेकडीकडे
शेतमळ्यांची दाट लागली हिरवी गरदी पुढे.

पायवाट पांढरी तयांतुनि अडवीतिडवी पडे
हिरव्या कुरणामधुनि चालली काळ्या डोहाकडे.

झांकळुनी जळ गोड काळिमा पसरी लाटांवर
पाय टाकुनी जळांत बसला असला औदुंबर.

1 टिप्पणी:

Swapnil Mumbai म्हणाले...

बऱ्याच मेहनतीनंतर हि अप्रतिम कविता मला गवसली. धन्यवाद.