गुरुवार, १० जुलै, २००८

कढ - इंदिरा संत

कुणी निंदावे त्यालाही
करावा मी नमस्कार
कुणी धरावा दुरावा
त्याचा करावा सत्कार

काही वागावे कुणीही
मीच वागावे जपून
सांभाळण्यासाठी मने
माझे गिळावे मीपण

कित्येकांना दिला आहे
माझ्या ताटातील घास,
कितिकांच्या डोळ्यातील
पाणी माझ्या पदरास!

आज माझ्या आसवांना
एक साक्षी ते आभाळ
मनातील कढासाठी
एक अंधार प्रेमळ

इंदिरा संत

२ टिप्पण्या:

कृष्यणकुमार प्रधान म्हणाले...

ApaNa internet vishwachee changalee sevaa karata ahaata.Dhanyawaada
kriSNakumaara

कृष्यणकुमार प्रधान म्हणाले...

ApaNa internet vishwachee changalee sevaa karata ahaata.Dhanyawaada
kriSNakumaara