बुधवार, १ ऑक्टोबर, २००८

पैठणी - शांता शेळके

पैठणी

फडताळात एक गाठोडे आहे
त्याच्या तळाशी अगदी खाली
जिथे आहेत जुने कपडे
कुंच्या टोपडी शेले शाली
त्यातच आहे घडी करुन
जपून ठेवलेली एक पैठणी
नारळी पदर जरी चौकडी
रंग तिचा सुंदर धानी

माझी आजी लग्नामध्ये
हीच पैठणी नेसली होती
पडली होती सा-यांच्या पाया
हाच पदर धरून हाती
पैठणीच्या अवतीभवती
दरवळणारा सुष्म वास
ओळखीची.. अनोळखीची..
जाणीव गुढ़ आहे त्यास

धूर कापूर उदबत्यांतून
जळत गेले किती श्रावण
पैठणीने जपले
एक तन.. एक मन..
माखली बोटे
पैठणीला केव्हा पुसली
शेवंतीची चमेलीची
आरास पदराआडून हसली

वर्षामागुन वर्षे गेली
संसाराचा सराव झाला
नवा कोरा कडक पोत
एक मऊपणा ल्याला
पैठणीच्या घडीघडीतून
अवघे आयुष्य उलगडत गेले
अहेवपणी मरण आले
आजीचे माझ्या सोने झाले

कधीतरी ही पैठणी
मी धरते ऊरी कवळुन
मऊ रेशमी स्पर्शामध्ये
आजी भेटते मला जवळुन
मधली वर्षे गळुन पडतात
कालपटाचा जुळतो धागा
पैठणीच्या चौकड्यानो
आजीला माझ्या कुशल सांगा

१५ टिप्पण्या:

Prajakta म्हणाले...

Thank you! This is one of my all time favorites...
Ajun hi hi kavita vachtanna gahivarun yeta.

Nikhil1256 म्हणाले...

The line is 'suvehapani maran ale'. Not 'saubhagyache maran ale.'

Padmakar (पद्माकर) म्हणाले...

@Nikhil1256 दुरुस्ती सुचवल्याबद्दल धन्यवाद! कृपया आपण देवनागरीमध्ये ही दुरुस्ती सुचवू शकाल का?

Peaceful Thoughts म्हणाले...

अहेवपणी आहे ते

Rucha म्हणाले...

अहेवपणि मरण आले ,,, असे आहे

Unknown म्हणाले...

सुक्ष्म

Unknown म्हणाले...

अहेवपणी चा अर्थ काय?

Swapnil Menkudale म्हणाले...

खस-हीन्यात माखली बोटे पैठनीला केंव्हा पुसली asa correct Kara please

Unknown म्हणाले...

पती जिवंत असताना

Unknown म्हणाले...

पती जिवंत असताना

Unknown म्हणाले...

पती जिवंत असताना

Unknown म्हणाले...

खस- हिन्याची माखली बोटे ... असाच उल्लेख हवा आहे.

Bhai म्हणाले...

र्‍हस्व-दीर्घचे नियम पाळणे आवश्यक. जवळून, गळून,क सूक्ष्म इ.

Unknown म्हणाले...

Pati jivant asatana, maran yene

Unknown म्हणाले...

खुप सुंदर