काही मराठी कविता
माय म्हनता म्हनता
होट होटालागे भिडे
आत्या म्हनता म्हनता
केवढं अंतर पडे
माय म्हतली म्हतली
जशी तोंडातली साय
बाय म्हतली बिराणी
जशी भरडली दाय
ताता म्हनता म्हनता
दातामधीं जीभ अडे
काका म्हनता म्हनता
कशी मांघे मांघे दडे
जीजी म्हनता म्हनता
झाला जीभले निवारा
सासू म्हनता म्हनता
गेला तोंडातून वारा!
कविता म्हणजे वर उधृत केलेलं सगळं काही आहेच, पण त्यापलिकडेही काहीतरी आहे जे एक संवेदनाक्षम मन सहज जाणू शकतं. आणि त्या मनाला व्याख्या समजावून घेण्याची आवश्यकता नाही!
नामवंत कवींच्या जमतील तशा एकत्र संकलित केलेल्या कवितांचा हा संग्रह आहे. हा संग्रह वाढवण्य़ासाठी आपल्याला जर ह्या उपक्रमात सहभागी व्हायचं असेल तर अवश्या संपर्क साधा!
पोस्ट्स
