सोमवार, ११ डिसेंबर, २००६

अखेर कमाई - कुसुमाग्रज

मध्यरात्र उलटल्यावर
शहरातील पाच पुतळे
एका चौथऱ्यावर बसले
आणि टिपं गाळू लागले .
ज्योतिबा म्हणाले ,शेवटी मी झालो
फ़क्त माळ्यांचा.
शिवाजीराजे म्हणाले ,
मी फ़क्त मराठ़्यांचा.
आंबेडकर म्हणाले ,
मी फ़क्त बौद्धांचा.
टिळक उद़्गारले ,
मी तर फ़क्त
चित्पावन ब्राम्हणांचा.
गांधींनी गळ्यातला गहिवर आवरला
आणि ते म्हणाले ,
तरी तुम्ही भाग्यवान.
एकेक जातजमात तरी
तुमच्या पाठीशी आहे.
माझ्या पाठीशी मात्र
फ़क्त सरकारी कचेऱ्यातील भिंती !

1 टिप्पणी:

लीना मेहेंदळे म्हणाले...

As I read about the sad demise of tatyasaheb, and articles quoting his poetry, it dawned on me that I could attempt their translation in Hindi. Within 3 month SOMEONE made me write this. Now on my blog
कुसुमाग्रज कविताएँ हिन्दी में. Hope you will enjoy some from your collection.I
translated 108 of his poems..