गुरुवार, ५ एप्रिल, २००७

गणपत वाणी - बा.सी.मर्ढेकर

गणपत वाणी बिडी पिताना
चावायाचा नुसतीच काडी;
म्हणायचा अन मनाशीच की
या जागेवर बांधिन माडी;

मिचकावुनि मग उजवा डोळा
आणि उडवुनी डावी भिवयी,
भिरकावुनि ती तशीच ध्यायचा
लकेर बेचव जैसा गवयी.

गि~हाईकाची कदर राखणे;
जिरे, धणे अन धान्यें गळित,
खोबरेल अन तेल तिळीचे
विकून बसणे हिशेब कोळित;

स्वप्नांवरती धूर सांडणे
क्वचित बिडीचा वा पणतीचा
मिणमिण जळत्या; आणि लेटणे
वाचित गाथा श्रीतुकयाचा.

गोणपटावर विटकररंगी
सतरंजी अन उशास पोते;
आडोशाला वास तुपाचा;
असे झोपणे माहित होते.

काडे गणपत वाण्याने ज्या
हाडांची ही ऐशी केली
दुकानातल्या जमीनीस ती
सदैव रुतली आणिक रुतली.

काड्या गणपत वाण्याने ज्या
चावुनि चावुनि फेकुन दिधल्या,
दुकानांतल्या जमीनीस त्या
सदैव रुतल्या आणिक रुतल्या.

गणपत वाणी बिडी बापडा
पितांपितांना मरून गेला;
एक मागता डोळे दोन
देव देतसे जन्मांधाला!

१० टिप्पण्या:

share market mantra म्हणाले...

khupach chhan ..

share market mantra म्हणाले...

chaan

share market mantra म्हणाले...

CHANnnn

Unknown म्हणाले...

सार्वमत पेपर लेख

Unknown म्हणाले...

सूनिल पगार यांचा

Unknown म्हणाले...

He example kontya alkarancge ahe

Abhay Ghui म्हणाले...

फार छान...

Unknown म्हणाले...

कुठला अलंकार आहे?

Unknown म्हणाले...

यथार्थ वर्णन, फारच छान

Unknown म्हणाले...

हिंदवंदना ही चंद्रशेखर गोर्हे यांची कविता कृपया पोस्ट करावी.
Adv.Vishnu Bhope Aurangabad
vdbhope@yahoo.com